Մարդիդի «Ռեալի» իտալացի գլխավոր մարզիչ Կարլո Անչելոտին խոսել է Արգենտինայի հավաքականի կիսապաշտպան Անխել Դի Մարիայի՝ անգլիական «Մանչեսթեր Յունայթեդ» տեղափոխության պատճառների մասին:
«Որոշ ֆուտբոլիստների դուրս է գալիս մեկնարկային կազմում տեղ ունենալու համար մրցակցությունը, իսկ ոմանք էլ նախընտրում են մեծ գումարներ: Եթե ֆուտբոլիստին լրացուցիչ մոտիվացիա է հարկավոր աշխարհի լավագույն ակումբում հանդես գալու համար, ապա ես հեշտությամբ կարող եմ բաց թողնել նրան»,- Անչելոտիի խոսքը մեջբերում է Goal-ը:
Հիշեցնենք, որ Դի Մարիային գնելու համար «Մանչեսթեր Յունայթեդը» վճարել է անգլիական ֆուտբոլի համար ռեկորդային 59,7 միլիոն ֆունտ ստերլինգ: Անգլիական ակումբում արգենտինացին կստանա շաբաթական 280 հազար ֆունտ ստերլինգ աշխատավարձ:
Հետևեք NEWS.am SPORT-ին Facebook-ում, Twitter և Telegram-ում