Դանիայի հավաքականի եւ ֆրանսիական «Թուլուզի» հարձակվող Մարտին Բրայթվեյթը չի մասնակցի Հայաստանի թիմի դեմ Եվրո-2016-ի ընտրական փուլի առաջին տուրի հանդիպմանը:
Sporten.tv2.dk-ի համաձայն՝ Բրայթվեյթը վնասվածք է ստացել «Էվիանի» դեմ Ֆրանսիայի առաջնության չորրորդ տուրի խաղում: Նրա փոխարեն Դանիայի հավաքականի գլխավոր մարզիչ Մորտեն Օլսենն ազգային թիմ է հրավիրել «Կոպենհագենի» 21-ամյա հարձակվող Անդրեաս Կարնելիուսին:
Դանիա – Հայաստան խաղը կկայանա սեպտեմբերի 7-ին Կոպենհագենի «Պարկեն» ստադիոնում: Այս թիմերի միջեւ Կոպենհագենում կայացած նախորդ խաղում Հայաստանի հավաքականը «Պարկենում» խփել է 4 անպատասխան գոլ:
Հետևեք NEWS.am SPORT-ին Facebook-ում, Twitter և Telegram-ում