Խաբի Ալոնսոն շատ խելացի ֆուտբոլիստ է, ասել է Մյունխենի «Բավարիայի» իսպանացի գլխավոր մարզիչ Խոսեպ Գվարդիոլան՝ մեկնաբանելով իսպանացի խաղացողի տեղափոխությունը Մադրիդի «Ռեալից» գերմանական ակումբ:
«Ալոնսոն շատ փորձառու ֆուտբոլիստ է, նա ամեն ինչ տեսել է: Նա իսկական պրոֆեսիոնալ է եւ կօգնի «Բավարիային»: Սա հրաշալի գործարք է: Ես շատ ուրախ եմ, որ նա այստեղ է: «Բավարիային» պետք են Ալոնսոյի նման խելացի ֆուտբոլիստներ»,- Գվարդիոլայի խոսքը մեջբերում է Goal.com-ը:
Հիշեցնենք, որ 32-ամյա Ալոնսոն «Բավարիայի» հետ կնքել է երկու տարվա պայմանագիր: Նրա տրանսֆերի արժեքը 10 միլիոն եվրո է: Ֆուտբոլիստի տարեկան աշխատավարձը կլինի 10 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում