Անգլիական «Մանչեսթեր Յունայթեդի» գլխավոր մարզիչ Լուի վան Գալը խոսել է Մադրիդի «Ռեալի» եւ Արգենտինայի հավաքականի կիսապաշտպան Անխել Դի Մարիայի տեղափոխության մասին:
«Դի Մարիան բարձր մակարդակի կիսապաշտպան է, սակայն ամենակարեւորն այն է, որ նա թիմային խաղացող է: Անխելը շատ արագ ձոխլիկ է, ով սարսափ է ցանկացած պաշտպանի համար: Նրա բազմատիպ դրիբլինգին հետեւելը հետաքրքիր է: Միանշանակ, Դի Մարիան կուժեղանցի մեր թիմը»,- Վան Գալի խոսքը մեջբերում է «Մանչեսթեր Յունայթեդի» կայքը:
Անգլիական ֆուտբոլի ամենաթանկ տրանսֆերը դառնալուց հետո տպավորություններով կիսվել է նաեւ 26-ամյա Դի Մարիան.
«Երջանիկ եմ, որ տեղափոխվում եմ «Մանչեսթեր Յունայթեդ»: Իսպանիայում ինձ ամեն բան գոհացնում էր: Առաջարկներ կային նաեւ իսպանական ակումբներից, սակայն ես որոշեցի, որ «Ռեալից» կհեռանամ միայն «Մանչեսթեր Յունայթեդի» համար: Վան Գալը ֆանտաստիկ մարզիչ է: Անհամբերությամբ եմ սպասում նրա գլխավորությամբ աշխատելուն»,- ասել է արգենտինացին:
Հիշեցնենք, որ Դի Մարիային գնելու համար Անգլիայի 20-ակի չեմպիոնը վճարել է 59,7 միլիոն ֆունտ ստերլինգ: Նա 5 տարվա պայմանագիր է կնքել «Մանչեսթեր Յունայթեդի» հետ:
Հետևեք NEWS.am SPORT-ին Facebook-ում, Twitter և Telegram-ում
10:24 , 24 ապրիլի 
09:05 , 24 ապրիլի 
01:39 , 24 ապրիլի 
01:01 , 24 ապրիլի 
00:54 , 24 ապրիլի 
23:09 , 23 ապրիլի 
22:35 , 23 ապրիլի 
22:11 , 23 ապրիլի 
21:39 , 23 ապրիլի 
20:56 , 23 ապրիլի 
