Ֆուտբոլի Ռուսաստանի երիտասարդական առաջնության 5-րդ տուրում Սանկտ Պետերբուրգի «Զենիթն» ընդունել է Պերմի «Ամկարին» եւ բավարարվել է մեկ միավոր: Դաշտի տերերի միակ գնդակը արդեն 2-րդ րոպեին խփել է Հայաստանի երիտասարդական հավաքականի կիսապաշտպան Արտյոմ Սիմոնյանը: Հանդիպումն ավարտվել է ոչ ոքի՝ 1:1:
Արտյոմ Սիմոնյանը օգոստոսի 22-ին հրապարակված Հայաստանի երիտասարդական հավաքականի կազմում է: Եվրոպայի մինչեւ 21 տարեկանների առաջնության ընտրական մրցաշարում Հայաստանը սեպտեմբերի 3-ին Ռեյկյավիկում կմրցի Իսլանդիայի թիմի հետ: Օգոստոսի 30-ից Երեւանում մեկնարկելիք հավաքին Արտյոմ Սիմոնյանը չի մասնակցի եւ թիմին կմիանա Իսլանդիայում:
Հետևեք NEWS.am SPORT-ին Facebook-ում, Twitter և Telegram-ում