Հիտցֆելդ. Եթե «Բորուսիան» լավ մեկնարկի, «Բավարիան» կսկսի նյարդայնանալ

«Բորուսիան» պետք է բազմաթիվ գոլեր խփի, ասել է Դորտմունդի «Բորուսիայի» եւ Մյունխենի «Բավարիայի» նախկին գլխավոր մարզիչ Օտմար Հիտցֆելդը՝ խոսելով օգոստոսի 22-ին մեկնարկող Գերմանիայի առաջնության մասին։

«Եթե դորտմունդցիները լավ սկսեն մրցաշրջանը, «Բավարիան» կարող է նյարդայնանալ։ Եթե «Բորուսիան» առաջ անցնի, իսկ «Բավարիան» վատ մեկնարկի, մյունխենցիներին կսկսեն քննադատել։ Նրանք կլարվեն, եւ Դորտմունդը հնարավորություն կստանա»,- 65-ամյա մասնագետի խոսքը մեջբերում է Goal.com-ը։

Գերմանիայի առաջնության մեկնարկային տուրում «Բավարիան» կընդունի «Վոլֆսբուրգին», իսկ «Բորուսիան» տանը կխաղա Լեւերկուզենի «Բայերի» հետ։

Հետևեք NEWS.am SPORT-ին Facebook-ում, Twitter և Telegram-ում