Ֆուտբոլի Եվրոպայի լիգայի որակավորման չորրորդ փուլի առաջին խաղում Միլանի «Ինտերը» հյուրընկալվելիս 3։0 հաշվով հաղթեց իսլանդական «Ստյարնանին»։
Հանդիպման հաշիվը 41-րդ րոպեին բացեց արգենտինացի հարձակվող Մաուրո Իկարդին։ Երկրորդ խաղակեսի սկզբնամասում գոլի հեղինակ դարձավ Դոդոն, իսկ միլանցիների երրորդ գնդակը 89-րդ րոպեին խփեց Դանիլո Դ՝Ամբրոզիոն։
Պատասխան խաղը կկայանա օգոստոսի 28-ին Իտալիայում։
Եվրոպայի լիգա, որակավորման չորրորդ փուլ, առաջին խաղ
«Ստյարնան» (Իսլանդիա) - «Ինտեր» (Իտալիա)՝ 0։3
Մաուրո Իկարդի, 41, Դոդո, 48, Դանիլո Դ՝Ամբրոզիո, 89
Հետևեք NEWS.am SPORT-ին Facebook-ում, Twitter և Telegram-ում