Ֆուտբոլի Ռուսաստանի առաջնության չորրորդ տուրում Մոսկվայի «Դինամոն» Տուլայում 2:1 հաշվով հաղթեց Պրեմյեր լիգայի նորեկ «Արսենալին»:
Առաջին խաղակեսից հետո հյուրերն ունեին 2 գոլի առավելություն, իսկ ընդմիջումից հետո ռուս պաշտպան Իվան Յերշովը խփեց «Արսենալի» առաջին գոլը Պրեմյեր լիգայում:
Դինամոյականների դարպասը պաշտպանում էր Հայաստանի հավաքականի 40-ամյա դարպասապահ Ռոման Բերեզովսկին, իսկ հայազգի հարձակվող Արթուր Մալոյանն «Արսենալի» մեկնարկային կազմում խաղաց առանց փոխարինման եւ բավական ակտիվ էր մրցակցի տուգանային հրապարակի մոտ:
«Դինամոն 9 միավորով հավասարվեց 2-3-րդ տեղերը բաժանող «Սպարտակին» ու ԲԿՄԱ-ին, իսկ «Արսենալն» ունի 1 միավոր:
Ռուսաստանի առաջնություն, չորրորդ տուր
«Արսենալ» - «Դինամո»՝ 1:2
Իվան Յերշով, 47 – Դուգլաս, 31, Կեւին Կուրանի, 45
Հետևեք NEWS.am SPORT-ին Facebook-ում, Twitter և Telegram-ում