Ֆուտբոլի Հոլանդիայի հավաքականը հուլիսի 12-ին պատմության մեջ առաջին անգամ դարձավ աշխարհի առաջնության բրոնզե մեդալակիր:
Բրազիլիայում ավարտին մոտեցող աշխարհի առաջնության երրորդ տեղի համար խաղում Լուի վան Գալի թիմը 3:0 հաշվով հաղթեց Բրազիլիայի հավաքականին: Բրազիլիա քաղաքում կայացած խաղից հետո հոլանդացիներին բրոնզե մեդալներ հանձնեց ՖԻՖԱ-ի նախագահ Յոզեֆ Բլատերը: Հատկանշական է, որ Հոլանդիայի հավաքականի կազմում հայտավորված բոլոր՝ 23 ֆուտբոլիստները խաղադաշտ դուրս եկան ԱԱ-2014-ում: Նախկինում նման բան երբեք չէր եղել «Մունդիալների» պատմության մեջ:
Հոլանդիայի հավաքականը երկրորդ «Մունդիալում» անընդմեջ տեղ զբաղեցրեց լավագույն եռյակում: ՀԱՀ-ում կայացած աշխարհի 2010թ. առաջնությունում հոլանդացիները գրավել էին երկրորդ տեղը՝ եզրափակիչում պարտվելով Իսպանիային:
Հետևեք NEWS.am SPORT-ին Facebook-ում, Twitter և Telegram-ում