Անգլիական «Լիվերպուլը» շարունակում է հետեւել Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանին, փոխանցում է Daily Mirror-ը։
Անգլիական ակումբը նվաճել է ֆուտբոլի Չեմպիոնների լիգայի ուղեգիր, եւ ղեկավարությունը թիմի գլխավոր մարզիչ Բրենդան Ռոջերսին տրանսֆերների համար կտրամադրի 60 միլիոն ֆունտ ստերլինգ։
Անգլիացի մասնագետը դեռեւս նախորդ տարի էր ցանկանում ձեռք բերել Մխիթարյանին, սակայն 25-ամյա կիսապաշտպանը նախընտրեց «Բորուսիան»։ Անգլիական ակումբի թիրախում է նաեւ Ուկրաինայի հավաքականի կիսապաշտպան Եվգենի Կոնոպլյանկան։
Հիշեցնենք, որ Հենրիխ Մխիթարյանը «Բորուսիա» է տեղափոխվել 2013 թվականի ամռանը։ Գերմանիայի փոխչեմպիոնը նրա համար վճարել է 27.5 միլիոն եվրո։
Հետևեք NEWS.am SPORT-ին Facebook-ում, Twitter և Telegram-ում