Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամն ու նրա մարզիչ Ուլի Վեգները բարեգործության նպատակով Բեռլինից մեկնել են Ալբեկ եւ շուկայում ձուկ են վաճառել:
«Այդ գործի համար ես հաճույքով անցա 200 կմ: Մարզիչս եւս չէր դժգոհում, քանի որ ես շատ ձուկ վաճառեցի»,- ասել է Աբրահամը:
«Ես գոհ եմ Արթուրից: Նա 7:30-ին ավարտեց 10 կմ վազքը եւ գնաց շուկա ձուկ վաճառելու: Այդ գումարով մենք շատ նվերներ կգնենք երեխաների համար»,- նշել է Վեգները:
Ամբողջ հասույթը փոխանցվել է Քաղցկեղով հիվանդ երեխաների աջակցության ասոցիացիային, հաղորդում է Bild-ը:
Հետևեք NEWS.am SPORT-ին Facebook-ում, Twitter և Telegram-ում