Կատալոնական «Բարսելոնայի» ղեկավարությունն այս մրցաշրջանից հետո կարող է տրանսֆերի հանել Արգենտինայի հավաքականի ավագ Լիոնել Մեսիին, հայտնում է sport.es-ը:
26-ամյա հարձակվողի տրանսֆերն այլեւս անհնարին չէ կատալոնական ակումբում: Պատճառը նաեւ ֆուտբոլիստի ֆինանսական մեծ պահանջներն են: Մեսին ցանկանում է վաստակել տարեկան 100 միլիոն եվրո: Հարձակվողի մտերիմները նույնպես կարծում են, որ նրան ցանկանում են վաճառել՝ մեծ գումարներ ստանալու համար:
Արգենտինացուն ձեռք բերելու գլխավոր թեկնածուն ֆրանսիական ՊՍԺ-ն է, որը պատրաստ է 250 միլիոն եվրո վճարել նրա համար, ինչպես նաեւ առաջարկել ավելի բարձր աշխատավարձ:
Հիշեցնենք, որ այժմ Մեսին ու «Բարսելոնան» բանակցում են գործող պայմանագիրը երկարաձգելու վերաբերյալ:
Հետևեք NEWS.am SPORT-ին Facebook-ում, Twitter և Telegram-ում