Հունաստանում ավարտված շախմատի Եվրոպայի ակումբային առաջնությունում Հայաստանի հավաքականի երկրորդ համար Սերգեյ Մովսեսյանը հանդես եկավ Սանկտ Պետերբուրգի թիմի կազմում եւ անցկացրած հինգ պարտիաներում տարավ երկու հաղթանակ, երեքն ավարտեց ոչ ոքի:
Սանկտ Պետերբուրգի ակումբը գրավեց 5-րդ տեղը: Սերգեյ Մովսեսյանի ակումբակիցներն էին Պյոտր Սվիդլերը, Լենյեր Դոմինգեսը, Նիկիտա Վիտյուգովը, Մաքսիմ Մատլակովը, Զախար Եֆիմենկոն, Վադիմ Զվյագինցեւը եւ Իլդար Խայրուլինը:
Եվրոպայի ակումբային չեմպիոն դարձավ Չեխիայի «Ջի Թիմ Նովի Բորը»:
Հետևեք NEWS.am SPORT-ին Facebook-ում, Twitter և Telegram-ում