Անդրանիկ Կարապետյանը 0 ստացավ Թաիլանդի Պհուկետ քաղաքում անցկացվող ծանրամարտի աշխարհի գավաթի խաղարկությունում: Ապրիլի 6-ից աշխարհի գավաթի խաղարկությունում պայքարի մեջ են մտել հայ ծանրորդերը: Փաշիկ Ալավերդյանի գլխավորած հավաքականից առաջինը մրցահարթակ դուրս եկավ 89 կգ քաշային Անդրանիկ Կարապետյանը:
2023 թվականի Եվրոպայի փոխչեմպիոնը մասնակցում էր 89 կգ քաշայինների B խմբում: Պոկում վարժությունում Կարապետյանը պայքարը սկսեց 170 կգ-ից, որը ձախողեց: Հաջորդ երկու մոտեցումներում ձախողեց 171 կգ, ապա 175 կգ: Այս վարժությունում հայ ծանրորդը զրո ստացավ եւ հրաժարվեց հետագա պայքարից հրում վարժությունից:
Աշխարհի գավաթի խաղարկությունը վարկանիշային է Փարիզի Օլիմպիական խաղերի համար: Ըստ հավաքականի գլխավոր մարզիչ Փաշիկ Ալավերդյանի, մրցաշարում անհրաժեշտ է օլիմպիական ուղեգրին հավակնող ծանրորդների մասնակցությունը՝ անկախ արդյունքից:
Հայաստանի հավաքականը աշխարհի գավաթին մասնակցում է 5 ծանրորդով: Օլիմպիական վարկանիշների համար կպայքարեն նաեւ Սամվել Գասպարյանը (102 կգ), Գարիկ Կարապետյանը (102կգ), Վարազդատ Լալայանը (+109 կգ) եւ Սիմոն Մարտիրոսյանը (+109 կգ):
5 ծանրորդներն էլ Փարիզի Օլիմպիական խաղերի ուղեգրերի հավակնորդներ են: Նրանցից ընտրվելու են երեք ուժեղագույնները տարբեր քաշային կարգերում:
Աշխարհի գավաթի խաղարկությունը հայ ծանրորդների վերջին վարկանիշային մրցաշարն է Փարիզի Օլիմպիական խաղերից առաջ:
Ապրիլի 8, 22:00
Սամվել Գասպարյան (102 կգ, նախնական հայտ 400 կգ), Գարիկ Կարապետյան (102 կգ, նախնական հայտ 450 կգ):
Ապրիլի 11, 19:00
Վարազդատ Լալայան (+109 կգ, նախնական հայտ 450 կգ), Սիմոն Մարտիրոսյան (+109 կգ, նախնական հայտ 450 կգ):
Հետևեք NEWS.am SPORT-ին Facebook-ում, Twitter և Telegram-ում