Կիպրոսում անցկացված սեղանի թենիսի Եվրոպայի առաջնության նախնական փուլի խմբային մրցաշարին մասնակցել է նաեւ տղամարդկանց Հայաստանի թիմը: Խմբում ընդգրկված են եղել նաեւ Լիտվայի, Շոտլանդիայի, Լատվիայի, Սան Մարինոյի, և Կիպրոսի հավաքականները:
Հայաստանը ներկայացրել են Դավիթ Ղոթանյանը, Հարություն Հարությունյանը և Վարուժան Բաղդասարյանը: Նրանք տարել են չորս հաղթանակ, պարտվել միայն Լիտվայի թիմին և գրավել երկրորդ տեղը, հաղորդում է ՀԱՕԿ լրատվականը:
Լավագույն երեք թիմերը իրավունք են ստացել մասնակցելու Եվրոպայի առաջնության եզրափակիչ մրցաշարին, որը տեղի կունենա 2023թ. Շվեդիայի Մալմյո քաղաքում: Խմբային փուլում Հայաստանի մրցակիցները կլինեն Թուրքիայի եւ Էստոնիայի թիմերը։
Հետևեք NEWS.am SPORT-ին Facebook-ում, Twitter և Telegram-ում